He dide hym norice [norish.] at Wynchestre,
And ȝald [mad.] hym monk in þat same estre;
Þat oþer sone highte Aurelyus,
His to-name was Ambrosius;
Line 7000
Þe þridde child, Vter he hight,
Þat lyuede lengest, & best was knyght.
Þe bischop, þorow leue of þe kynge,
Hadde þe two in his kepynge.
Line 7004
ȝyf Constant had lyued ani sel, [any seele.]
He schuld haue mended þe lond ful wel;
Two [ten.] ȝer he regned, & namo;
Lyst how a traitour dide hym slo:
Line 7008
¶ On ffortyger, of Walsche blod, [One Vortiger of Wales blode.]
Þat neuere in truþe no stude stod, [while stode.]
He ȝerned mikel þe kyndam.
Lyst how þe treson fro hym [listes how þis treson for him.] cam:
Line 7012
¶ De quodam Pycto traditore.
Y þe kynges court serued a Peyght,
Þat was þorow ffortegers deseit; [þorgh Vortigers sleiht.] —
Þis Peit, longe wiþ þe kyng had ben;
Of treson he þoughte ay by-twen;
Line 7016
Þys Peyt ȝede wyþ þe kynge a day
Vntil [In to.] an herber alone to play;
Bot hit was perceyued of non
Whider þe kyng & þe Peyt was gon.
Line 7020
Þe kyng of treson wende nought,
Bot þe Peyt þeron he þought;
As þey boþe to-gyder sat,
& speken þer of many what,
Line 7024
Þe kyng til hym gaf no tent.
