Page 210
¶ Decepcio Pyctorum.
Whan þey had alle Karays y-highte,
Bretons & Peytes help at her myghte,
Bassian he gan defye,
& wiþ foule wordes hym descrie. [wordes ascrie.]
Line 5976
So longe lasted þer manace,
To bataille þey comen in to [were þei brouht in.] place:
[
The Petyt MS. inserts—
Karais partie dred not þe kyng.ne Bassian Karais no þing.] Bassan affied hym o þe Peytes, In bataille þey knewe many [Inouh of bataile þei couth.] sleightes, Line 5980 Þer-fore his trist was on þeym more Þan on alle þo þat þer wore. ffor he god trist to þem hadde, Richely often þeym he cladde; Line 5984 & als þe partys gaf bataille, Iusted & chased, & gon assaille, Þys ilke Peytes were traytours, Ageyn þe kynge turned y þe stours, Line 5988 & wyþ Karays partye held, & traysched þe kyng right in þe feld, And slowe þe kyng, sire Bassian, & alle his folk, ylk a man. Line 5992 Þus þey traisched hym in nede, Sire Bassian þat dide þem fede; & Karays lyghtli wan þe lond; Agayns hym no party he ne fond. Line 5996 Karays gaf hem, for þer seruise, Among þe Scottes gret ffraunchise; So þat Pictes & þe Scottes kynde Ar now al on, as men fynde. Line 6000