¶ De festo Vtery Regis.
When alle were comen þat schold or wylde,
Innes taken, ne [&.] fulfilde,
& at þe kirke þer seruise seyd,
In halles & hales bordes leyd,
Line 9280
Þe kyng was set, & serued of mees,
& at þat oþer ende was a dees;
Þer set þe barons of pris,
Þe Erl of Cornewaille ageyn his vys;
Line 9284
By hym sat Igerne his wyf,
Of whas fairhede was speche ryf;
In al þe reome, [regne.] so fair was non,
Ne of swylk kynde, bot scheo al on. [ne of suilk was þer non.]
Line 9288
Often þe kyng had herd hure preyse,
Þat sche was fair, god, & curteyse;
Mikel desired he hure to se.
When he hure sey, [hir sawe.] more louede he;
Line 9292
Þe sight of hure hym al to-blast; [all to brast.]
His herte on hure ageyn he cast;