Argail þer sire Elydour mette;
On knes sire Elydour he grette,
Line 3848
& asked hym grace & mercy;
& he hym graunted al redy;
On hym he hadde gret pyte,
Þat in pouerte schold hym se.
Line 3852
His armes abute his nekke he kast,
His grete pouerte he pleyned fast;
Whan he had longe ment his mone,
Tyl Aclud þey wente ilkone;
Line 3856
In his chaumbre he dide hym be,
Þat non hym wiste bot in pryuete.
Hereþ now of sire Elydour,
How he dide his broþer gret honur.
Line 3860
¶ De pietate Elydory.
¶ Elydour feyned hym sik to lye,
& seide he hopede [hopid, expected.] forto deye.
After his barons þenne he sent,
And þey alle til hym went;
Line 3864
A day was ordeyned for to be, [Lambeth folio 17a:2]
Þat þey schold visiten [suld viset.] hym, & se;
Wyþoute noyse til hym schold [suld.] go,
On alone, wyþouten mo,
Line 3868
& speke softe & priuely,
ffor he ne moughte suffre no cri.
Ilkon dide þe kynges wille,
As þey come yn, þey held hem stille;
Line 3872
& als þey comen, þe kyng hem tok,
& dide þem sweren on þe bok
ffor to don Argail homage;
Were he neuere of so hey parage,
Line 3876
Wold he, ne wolde, [wild he ne wild.] þat scholde [suld.] he do,
