Page 417, vol.7
![Scan of Page 417, vol.7](/cgi/t/text/api/image/cme:AHB1341.0001.001:00002170/full/!250,250/0/default.jpg)
Capitulum duodecimum.
KYNG William þe Rede [Rede, from β. and Cx.; þridde, MS.] usede lemmans alwey, and deide wiþ oute children; and his ȝong [ȝonger, β.] broþer Henry was i-made [i-made] om. β. and Cx.] kyng after hym, and was i-chose at Wynchestre þe fifte day of August and i-crowned at Westmynstre of Morys bisshop of Londoun, for Anselm was nouȝt þere. Þis was i-gete in wedlok þe þridde ȝere of his fadir kyngdom. He spended [spende, β. and γ.] his first ȝowþe [yougthe, Cx.] in liberal artes and sciens; [sciencis, β.] his broþer William hadde i-greved him in [on, α.] a tyme, and his fadir conforted hym in þis manere: "Sone, wepe [wuep, γ.] þou nouȝt, for þou schalt be a kyng." Þanne in þe laste ȝere of his fadir kyngdom, and in þe nyntene [xix., β. and Cx.; nyntene, from γ.; nynþe, MS.] ȝere of his age, he was i-made knyȝt of his [owne] [From α., β., γ., and Cx.] fadir, and wente wiþ his fadir into Normandie, and was at his fadir [fadres, α.] deienge [dyyng, β. and γ.] sone þerafter, as it is i-seide toforehonde; and his oþer breþeren were i-sent [awent, β. and γ.; goon, Cx.] everich in his side, as it happed hem at þat tyme; þerfore he hadde his fadres blessynge and his moder heritage and tresour, and dradde þe privete [pride, β.; prute, γ.; pryde, Cx.] of his breþeren ful [but, Cx.] litel; [vol lyte, γ.] he bowede [bowide, β.] hym alway to his broþer Robert for myldenesse of herte. But Robert greved [groned, Cx.] alwey, and trowed liȝtly tale tellers; and also Robert spende on his knyȝtes soudeours [soudiours, β.; saudyours, γ.] þre þowsand pounde þat was byqueþe Henry in his fadres testament. Þan Henry was i-made kyng,