Capitulum secundum.
WHAN oure Lorde was i-bore a welle of oyle sprang by|ȝonde Tybre oute of þe tavarn [taverne, Cx.] Emeritoria, and ran [ranne, Cx.] al day; and a cercle was i-seie [seen, Cx.] aboute þe sonne. Trevisa. Knyȝtes of Rome after sixty ȝere lefte dedes of armes, and were i-cleped [callyd, Cx., et infra.] knyȝtes of þe chyvalrie [chevalrye, Cx.] emeritoria, and spende what þey hadde in a taverne [tavarn, γ.] byȝonde Tybre, and þerfore þat tavarn [taverne, Cx.] was i-cleped Taberna emeritoria. Martius. [Marcus, Cx.] Þe ymage of golde fil [felle, Cx.] doun þat Romulus hadde i-sette in his paleys, and seide hit schal nouȝt faille [falle, Cx.] or [er, β.; ar, γ.; til, Cx.] a mayde bere a chylde. Also þe temple of pees fil [fylle, Cx.] doun in Rome; and Ierom uppon þat worde, "Liȝt is arise to þe riȝtful," seith þat alle the sodomytes in alle þe worlde were destroyed. [distried, β.; destruyed, γ.] Petrus.