cruel lyf fifty ȝere in al Asia in werre and in bataille, and aroose out of þe souþ and from þe reed see, and destroyed in þe norþ vppon þe see þat hatte Eusinum þat streccheþ from the ryver Thanay to þe endes of Hiberia [Heberia, MS.] and [an, α.] Armenya. And so þis kyng Nynus ouer come men of Scitia barbarica, þat were ȝit no warriours, but stille men and esy, [pesible, Cx.] and made hem knowe strengþe, and tauȝte hem to lyue by manis blood þat lyvede toforhonde by [with, Cx.] melke of bestes; and at þe laste he slow Zoroastes [So α. and Cx.; Zorastes, MS., but Zoroastes below (once).] kyng of Bactrians þat was fyndere of wycche|craft, but at þe laste dede, while he bysegede a citee þat was tornede from hym, he was i-hit wiþ an arewe, and so he was i-slawe. Petrus, 36o. Nynus Belus his sone, whanne his fader was dede, [hadde] [Added from α. and Cx.] Assiria and þe citee Ninyue i-nemped by his name, and made þat citee Ninyue [chef of his kyngdom, and made the citee] [Added from α.; so also in Cx. (nearly).] huger and more by þre iorneyes. For Nemproth hadde toforehonde i-founded þat citee, and slow also Cham, þat hete Zoroastes [So α. and Cx.; Zorastes, MS., but Zoroastes below (once).] also, kyng of Bactria, þat wroot the seuene [So α. and Cx. (who has sciences below); seuenþe, MS.] science in fourtene pileres, in seuene of bras and seuene of brent [brand, Cx.] tyle, forto saue hem aȝenst eiþer flood, [ayenste fyre and water, Cx.] but Nynus brende his bookes. Isidorus, libro 8o. Aristotil of Zoroastes he wroot þat he made twenty hondred þowsand vers of wicchecrafte, and Democritus made