Capitulum vicesimum quintum. Aylon. Abdon.
AYLON, of þe lynage of Zabulon, was iuge of Israel ten ȝere. Noþeles þe Seuenty acounteþ hem nouȝt, and þerfore Eusebius acounteþ his ȝeres of Iosue, of Samuel, and of Saul; for þe Scripture spekeþ nouȝt of here ȝeres. Noþeles þey setteþ moo ȝeres þan beeþ i-founde by Iosephus. So þat from þe goynge out of Egipte anon to Salaman his temple were foure hondred ȝere and foure score. Abdon, þat heet Lapdon, was also iuge of Israel eiȝte ȝere. In his þridde ȝere Troye was i-take, eiȝte hondred ȝere and foure and fourty after Abraham his burþe, þre hondred ȝere and fourty after þe goynge out of Egipt, þe ȝere of kyng Latyn in Italy fyue and twenty, to fore þe buldynge of Rome aboute an [an] So MS., α. β. γ.; om. Cx.] foure hondred ȝere and two and þritty. [twenty, Cx.] Augustinus, libro octavodecimo, capitulo sexto|decimo. After þat Troye was destroyed, ȝit while kyng Latyn regned in Itali, þe Grees þat tornede aȝen and [This word should be cancelled apparently, though found in all the four MSS.] hadde in þe