Page 399, vol.2
![Scan of Page 399, vol.2](/cgi/t/text/api/image/cme:AHB1341.0001.001:00000992/full/!250,250/0/default.jpg)
Capitulum vicesimum tertium. Iepte.
IEPTE of Galaad, of the lynage of Gad, an hoore [a comyn womans, Cx.] sone, was iuge of Israel sixe ȝere. Kyng Latyn, Faunus is sone, bygan to regne in Ytaly; and regned þere two and þritty ȝere. Of hym þe kynges of [of] om. MS. (only.)] Itali hadde þat name, and were i-cleped kynges of Latyns, and þan cesed þe name of Laurentines, and torned into þe name of Latyns. [and þan . . . of Latyns] om. Cx.] Isidorus, libro octavo. In þis kyng Latyn his tyme was Sibil Eritrea in hir floures, þat heet Erofila, and was i-bore in Babilon. Sche warnede þe Grees þat wente to Troye þat Troye schulde be destroyed, and þat Homerus schulde write lesynges afterward. Þere were ten Sibilis, and þis is þe fifte in nombre, and is i-putte tofore oþere. Þe firste Sibile was of Pers, þe [Pierse, α.] secounde of Libya, þe þridde was Delphica yn Appolyn his temple to fore þe bataile of Troye. Homerus wroot meny of hir vers in his bookes. Þe fourþe was Cimeria of Italy. Þe fifte was Eritrea, of hire is now oure speche. Þe sixte was Samia, i-bore in þe ylond [londe, MS. (only.)] of Samos.