and bytwene Europa and Asia; and in þat see is þe Ilond Abydos. Isidorus, libro nono. Þanne þe see schedeþ norþ|ward, and makeþ þe see Propontides. Þenne he narweþ to þe narwenesse of sex hondred paas, [and] [Added from Cx., and α.] is þe se [þese, MS.; the see, Cx.] Trach. Þanne þe grete see [the see, Cx.] Ponticus þat passeþ by north by Thracia and Mœsia, streccheþ to þe wateres and marys of Mæotides, and fongeþ [receyueth, Cx.] þere þe ryuer Thanays. Þenne he streccheþ estward, and passeþ by þe lasse Asia, anon to [Asia vnto, Cx.] þe endes of Iberia and Armenye. And þat see is i-cleped [named, Cx.] Euxinum. Isidorus, libro nono. And þat see is swetter, schorter, and more mysty, for fresshe ryueres al aboute turneþ and falleþ [renne and fallen, Cx.] þerto. In þat grete mouthe and baye [So Cx.; þay, α.; þey, MS., which adds and baye after oþere in the line following.] beþ ilondes Calchos, Patmos, [Patmos] Pathmos, MS. and Harl. MS.] and oþere. Plinius, libro sexto. And þe see Ponticus floweþ not noþer [ne, Cx., who omits as oþere sees dooþ.] turneþ aȝen as oþere sees dooþ, but euere turneþ [renneth, Cx.] into þe see Propontidem and Hellespontum. ℞. Þe cause þere of is myȝte and strengþe of ryueres and bakwateres, þat renneþ þerto, dryueþ forþ þe see Euxinum alway in oon cours. And þe strengþe and þe flood of þe see Hellesponticus, þat is fer from occean,