Page 111, vol.2
![Scan of Page 111, vol.2](/cgi/t/text/api/image/cme:AHB1341.0001.001:00000848/full/!250,250/0/default.jpg)
De episcopatibus et sedibus. Capitulum quinquagesimum secundum.
Alfridus. Lucius was þe first Cristene kyng of Britons. [the first kynge cristend of the Brytons, Cx.; who has a few other trivial alterations below.] In his tyme were þre archebisshoppes sees in Bretayne; oon was at Londoun; anoþer at York; and þe þridde at Caerrusk, [Caerusk, α.] þe Cite of Legiouns in Glomorgan. [Glamorgan, α., Cx.] Þat citee hatte now Caerleon. To þese þre archebisshoppes sees were suget eyȝte and twenti bisshoppis, and were i-cleped flamynes. To þe archebisshoppes see of Londoun was sugett Cornwaile and al myddel Engelond anon to Humber; to Ȝork al Norþhumberlond from þe bowe of Humber wiþ all Scotlond; to Caerleon all Wales. Þere were in Wales seuene bisshoppes, and now beeþ but foure. Þo Seuarne departe [departed, Cx.] Engelond and Wales. Willelmus de Pontificibus, libro primo. [Added from α.] But in Saxones tyme, þey Seint Gregorie hadde i-graunted Londoun þe priuilege of þe archebisshoppes see, neuerþeles Seynt Austyn þat was i-sent in to Engelond by Seint Gregorie torned þe archebisshoppes see out of Londoun vnto [into, α.] Caunterbury, after Seint Gregories day