Prœfatio secunda ad Historiam.
AND for þis cronicle [for as moche as this cronkye, Cx.] conteyneþ berynges and dedes of meny tyme, [tymes, Cx. (not α.)] þerfore I clepe [So Cx. and α.; cleped, MS.] it Pollicronicon, þat is þe [So Cx. and α.; in, MS.] cronicle of meny tymes. In þe whiche work, by þe en|saumple of þe firste Worchere, þat wrouȝhte alle his werkes in sixe dayes and reste in þe seuenþe (for his doynge is oure lore [doctryne, Cx.] ), þis werke I departe and dele in seuene bookes. Þe firste book descryueþ placis and contrees and londes and alle þe worlde wyde. [wyde world, Cx., and so just below, with other slight variations.] Þe oþere sixe bokes, by þe noumbre of vi. ages, þat conteyneþ berynge and dedes from þe bygyn|nynge of þe world vnto oure tyme. Neþeles in þe firste book of þis werk, as who [So Cx.; first who, MS.; first as who, α.] descriueþ general, comoun and special, mappa mundi is purtrayed and i-peynt, þat is þe cloþe þat þe schap of þe worlde wide is i-peynted ynne. Þanne in his cheef parties þe world is i-deled; and for þis storie is bytrauailled [is trauaylled, Cx.] by cause of Brytayne, eueriche pro|uince and londe is descryued for to me [for to me] vntil we, Cx.] come to Britayne þe laste of alle, as most special; and þere ynne is i-conteyned