De Asia et ejus provinciis. Isidorus, libro quarto decimo. Capitulum undecimum.
ISIDORUS seiþ þat Asia haþ þe name, and is i-cleped after a womman þat woned þerynne, þat was i-cleped Asia. In Asia beeþ many prouinces and londes, þe whiche I schal descriue and rekene al arewe, [al along, Cx.] and bygynne wiþ Ynde. Inde haþ in þe est side þe sonne risynge, in þe south þe see occean, in þe west þe ryuer of Inde, in þe north þe hulle þat is i-cleped Caucasus; and so Ynde is i-ended. In Ynde beeþ men of colour and hewe i-died. In Ynde is a brede þat is i-cleped phitacus, elephantis, peper, and a tree þat is i-cleped hebanus, euery, and precious stones, [stones] Added from α. and Cx.] beriles, criso|prassus, charbunculus, [charbonicles, α.; carbunclis, Cx., who has crisopassis (sic) just before.] adamantis, and goldene hulles, to þe whiche it is ful harde for to come for dragouns and grypes, and for dyuers manere of [α. and Cx. om. of.] men grisliche and wonderliche i-schape. Among alle þe londes of þis worlde Ynde is þe [α. and Cx. om. þe.]