Page 67, vol.1
![Scan of Page 67, vol.1](/cgi/t/text/api/image/cme:AHB1341.0001.001:00000611/full/!250,250/0/default.jpg)
De provinciis orbis; primo de Paradiso. Capitulum decimum.
FOR þe knowleche of erþelyche Paradys þre poyntes moste be i-knowe. Wherfore þre questiouns beeþ i-axed: þe firste questioun axeþ, [α. has the same variations of spelling; Cx. has axeth in all three places.] Ȝif eny suche place is on erþe? þe secounde axiþ, [α. has the same variations of spelling; Cx. has axeth in all three places.] Whiderwarde or where is Paradys in erþe? þe þridde askeþ, [α. has the same variations of spelling; Cx. has axeth in all three places.] What contraye or what place [contray and place, Cx.] is Paradys in erþe? For þe firste, foure manere witnesses we haueþ þat Paradys is in erþe; first stories þat likneþ Sodom, or [er, Cx.] hit were ouertorned, to Paradise; þe secounde witnes is of [So Cx.; witnessiþ of, MS.] hem þat assaiede and [and] om. Cx., who has wrote.] write and seide, þat þey had i-seie [seen, Cx.] þat place; þe þridde witnesse beeþ [So α.; wytnes ben, Cx.; wit|nessiþ that beeþ, MS.] þe foure ryueres, þat renneþ out of Paradyse; for þe heed of þilke ryueres beeþ nouȝt i-founde in see, noþer in fresche water, noþer in londe þat men woneþ [dwelle, Cx.] ynne, þeyȝ kynges of Egipt and many oþer trauailled wel ofte and souȝte þereafter. Þerfore Isid[ore], xiii. Eth., seiþ þat Hieronymus [Ieronimus, MS., and so often; Iherom, Cx.] toke hede þat ouþer vnderstondynge bihoueþ of þe ryueres of Paradys, þan auctours writeþ;