Cm 23m.
Thanne Edward come into Englond and was crowned kyng at Westmynstre of Edsius archbischop of Caunterbury, and regnede about an xxiiii ȝere. This kyng wedded Goditha, Godwyns douȝter, and bylad hir by sich crafte so that he put hir nouȝt from his bed nother lay by hir fleschlich. Whether he dide hit for hate of hir meyne, [meyney, γ.] other for love of chastite, y knowe hit [hit] om. Cx.] nouȝt for certeyn, but that solempne doing is tolde of hym that he lyved alwey without gilt of womman. This kyng worschipped nouȝt his owne moder atte fulle nother schamed hir openlich, but by counseil of Godwyn, he toke of hir alle the precious thinges and iuwels [jewels, Cx.] that heo [hue, γ.] had. Other for heo had be to hard with hym somtyme, other for heo wolde ȝeve hym riȝt nouȝt. Also he had to hym out of Nor|mandy somme that were familiar with hym there; for thei schuld be rewarded. Among the whiche he toke oon Robart Gemeticus a monk, and made hym first bischop of Londone and thanne archbischop of Caunterbury. The kyng was symple and dide so myche by this Robartes counsail that he awayted his tyme, and outlawed his wifes fader Godwyn and his sones also, and byname his owne moder al that heo had, and closed hir in the abbay of Werwelle, for suspectioun that heo was to homelich with the bischop of Winchestre, and prisoned the bischop Alwyn, but Emma was esily kepte [eselyche ykept, γ.] and somdel at hir large and wrote to the bischops of Englond in the whiche heo [whoche hue, γ.] had triste [trust, Cx.] of frenschipe, and seide that hit greved hir more the despyte that the bischop had, thanne hir owne schame and seide that heo was redy [to pruve] [From γ.] by Goddes owne dome and by the assay of fuyre [fyre, Cx.] hote iren, [vuyr hot yre, γ.] that the bischop was wrong|fullich