Polychronicon Ranulphi Higden maonachi Cestrensis; together with the English translations of John Trevisa and of an unknown writer of the fifteenth century.
Higden, Ranulf, d. 1364., Trevisa, John, tr. d. 1402., Caxton, William, ca. 1422-1491., Malverne, John, d 1415?, Babington, Churchill, ed. 1821-1889,, Lumby, J. Rawson ed. (Joseph Rawson), 1831-1895.

Cm 25m.

After Leo, the secunde Victor was pope two ȝere and six monthes. He made a synod at Florence in Italy and sett a|doun many bischops for symonye and fornicacioun. Mar'. This ȝere Syward the noble erle of Northhumbrelond, by heste*. [commaundement, Cx.] of kyng Edward, bare doun Scotlond with an oost of horsmen and with grete gaderyng*. [gaddryng, γ.] and chased the kyng and toke Mal|colyn, the kyng of Cumbres sone, and made him kyng of Scotlond. But in that batail Sywardes sone was slayn. Whanne his fader wist that he was dede of a wound that he had fonge tofore*. [byfore, Cx.] in his body and nouȝt byhynde, thouȝ the fader were sory for the sones deth, ȝett he was glad that his sone was so herty and hardy. That ȝere deyde Wulsius bischop of Lichfelde, and Leofwynus, abbot of Covyntre, was bischop after hym. Also that ȝere at Wyndesore amorowe after Ester day, erle Godwyn sate atte kynges borde, and it Page  533, vol.7 happed that oon of the children that served the kyng cam yn with the kynges cuppe, and stombled*. [stomelede, γ.] with his oon fote and kepte hym silf with that other so that he shedde nouȝt of the drynke. Godwyn syȝ that and louȝ and seyde, now that oon brother hath holpen that other. Anoon the kyng answerde therto and seide, so my brother Aluredus wolde have holpen me ȝif Godwynus ne had y be. The erle understode therby that he had spoke more than ynouȝ, and understode that the kyng meved the bitraiyng of his brother. And seyde to the kyng: Sire, as y se it is tolde to thee that y schuld be about to sle thi brother and to bitraye thee, so mot ich savelich ete*. [swolowe, Cx.] this morsel, that ic holde in myn hond as ich*. [ych, γ.] am giltles of siche dedes. And he was choked anoon. Atte kynges heste Harald drouȝ hym from under the borde, and he was buried at Wynchestre. R. But Marianus seith that Godwyn sate atte mete by the kyng at Wynchestre and was sodeynlich take with a sekenesse on Ester Monday and deyde the Thursday in the Ester weke.*. [woke, γ.] Thanne Godwyns erledom was ȝeven to Harald, and Haraldes erledom to Algarus the sone of erle Leofricus. This ȝere kyng Edward sent Alredus*. [Aldredus, Cx.] bischop of Wircetre to the secunde Henry the emperour praying that he wolde sende lettres to Hungarye and sende thenes*. [þennes, γ.] into Eng|lond his cosyn Edward the sone of Edmund Irenside. The kyng had ordeyned to make hym his eyr in Englond. But the thridde ȝere therafter he came into Englond and deyde at Londoun longe tyme [þe]*. [From γ.] rather than the kyng. This Ed|ward was the fader of Margret queen of Scotlond, and of Edgar Adelyng, but Margret had, by Malcolyn, David the kyng of Schotland*. [Scotlande, Cx.] and Molde*. [Mold, γ.] the queen of Englond. Mar'. This ȝere kyng Edward outlawed Algarus the sone of Leofricus without gult. Anoon he was prayed and socyed*. [ysocyed, γ.; associate, Cx.] to Griffyn kyng of Wales, and destruyed the provynce of Herford and toke Herford and sett the mynstre afuyre*. [avure, γ.] and slouȝ vii. chanouns, but erle Harald pursued hem that flyȝ and restored Herford aȝen, and wallide hit about and made her pees that were outlawed with the kyng. Item Mar'. Also this ȝere Syward the noble duke of Northhumbrelond deyde at ȝork in the flux*. [flyx, Cx.] and was buryed in the mynstre*. [monasttere, γ.] Galmanho that he had bulde. But er he deyde he made arme hym and sate upriȝt and seide; thus hit semeth a knyȝt for to dye, and nouȝt Page  534, vol.7 ligginge faynte as an oxe. And for his sone Waltef*. [Waltyf, Cx.] was ȝonge and laye in his cradel, his erledom was ȝeven to Tosti, Haraldes brother, that was therabout an ten ȝere. Item Mar'. & Willelmus. Also that ȝere Herman of Flaundres, that was som tyme kyng Edwardes prest, and thanne bischop of Wil|toun, and Ramesbury, was at disese for defaute of catel and prayed the kyng and had hit almost graunted forto ordeyne his see in the abbay of*. [of] om. γ.] Malmesbury, but the lordes of the lond wolde nouȝt assente. Therfore Herman was wroth and lefte the bischoprich and went over see and toke monkes abyt*. [habyt, γ.] at Seynt Bertyn,*. [Bertines, Cx.] and lyved so thre ȝere and Aldredus bischop of Wircetre rulede*. [rulede, γ.] Hermans bischoprich in the mene tyme. But as hit fallith*. [valleþ, γ.] ofte that thei that taketh religioun for siche hasty and sudeyn reses*. [reeses, Cx.] haveth*. [habbeþ, γ.] no stidfast wille and devocioun for hit withdrawith and slakith atte laste, after thre ȝere Herman cam into Englond aȝen. The man that was wont al his liftyme to have likyng servise and plesinge at his wille thougȝt ful hevy and elyng*. [elenge, Cx.] to leve it in his elde.*. [age, Cx.] Also hit come to his ere that Godwyn was dede, that him had withstode and also that the bischop of Schire|burne was ded and he had longe tyme thouȝt to oone*. [one, γ.; oone and ioyne, Cx.] that bischopriche to his owne by olde bihestes of the queene. He helde*. [huld, γ.] long tyme these bischopriches so ooned*. [y-oned, γ.; ioyned, Cx.] with thre cuntrayes that longed therto, anone to the nynthe ȝere of Wylliam the Conquerour whanne he passed from Schirburn to Salesbury. Willelmus de Regibus. Also that ȝere the kyng was at an*. [α, Cx.] feeste and Harald and Tosti pleyed tofore hym, and Harald drouȝ his brother by the heer*. [heeres, Cx.] harder than the game wolde, and threwe*. [þruw, γ.] hym to the grounde and had wyried*. [ywyryed, γ,; weryed, Cx.] hym with his hondes, nadde he be the rather delyvered out of his clowes.*. [clawes, Cx.] Whanne the kyng syȝ that, he seide that grete strif schuld be therafter bitwene the*. [tho, Cx.] twey bretheren and that the*. [the] om. Cx.] oon of them schuld sle the other. Erle Godwyns first wif was kyng Canutus suster, on hir Godwyn gate a sone that rode*. [rod, γ.] on an hors unwiseliche y-priked*. [and spurred him, Cx.] and the hors threwe hym into Temse and so he Page  535, vol.7 was adreynt. The moder was smyte with lyȝtnyng and deyde riȝt so, and it was no wonder. For heo toke fayre wenches*. [veyre weynches, γ.] and sette them to hordome for heo*. [hue, γ.] wolde gadre the more riches. After hir deth Godwyn wedded another wif and gate on hir sixe sones, Suanus, Harald, Tostius, Wilnotus, Gurth and Leofricus. How hem*. [they, Cx.] spedde it is writen tofore and after in this Cronyk. Willelmus de Regibus, li o 2o. About this tyme a womman at Berkeley used evel craftes and was at a feste in a day. Thanne a crowe that heo had likynglich yfed*. [vet, γ.] and norisched*. [ynorset, γ.] creked ludder*. [lodder, γ.] than he was wont, the womman herde that, and the knyf fil*. [vul, γ.] doun of hir hond and hir face wexe al pale.*. [palle, γ.] Thanne heo bigan to siche and to grone and seide: this day is my solowe*. [solouȝ, γ.] y-come to the laste forowe.*. [vorouȝ, γ.] Whanne that was seide, came yn a messagere that seide to the womman that hir sone was ded and al hir meyne alayde and afalle*. [meyney allayd and offalle, γ.; leyde and fallen, Cx.] and ded also. The womman lay seke anoon and sent for hir children that heo had alyve a monk and a mynchone.*. [meynchen, γ.; nonne, Cx., bis.] Whanne the monke and the mynchone were y-come, heo spake to hem in this maner: ich am a womman [that]*. [From Cx.] have used evel crafte and evel lyvyng. In veyn ic*. [ych, γ.] hoped to be saved by ȝoure beddes*. [bedes, γ., Cx.] and prayeris. But now y pray ȝou that ȝe wole releve my tormentes and peynes for of the soule the doom is ȝeven. On caas ȝe mowe kepe my body ȝif hit is sewide*. [ysuwed, γ.] in hertes lether, lay*. [leggeth, γ.] hit in a thorow*. [þrouȝ, γ.; trowh, Cx.] of stoon and heleth hit with a lidde of lede, faste y-bounde and barrede with iren,*. [yre, γ.] and byndeth hit faste with thre iren cheynes. Makith*. [Make ye, Cx.] fourty synge salmes by nyȝt and as many masses by dayes, and ȝif ich lye*. [lygge, γ.] so thre nyȝtes, the ferthe day burieth the body in the erthe. But al for nouȝt, for twey the firste nyȝtes while the salmes were a singyng; fendes brake up the dores and twey the outmest*. [otmest, γ.; uttermest, Cx.] cheynes and that wonder liȝtlich. The thrid nyȝt about cokkes crowyng,*. [kokene crowe, γ.] the place al to schoke and oon with a grislich face that was heiȝ of stature brake up the dores and het the body that hit schuld arise; y may nouȝt, quoth the body, for strong bondes. Thou schalt be unbounde, quoth he, but to thyn owne harme. And anone al that lette Page  536, vol.7 was to broke, and he toke hir out of the chirche and sette hir uppon a blak hors that neyȝede tofore the dores, and so he*. [hue, γ.] went awey with loude cryes that were herde foure myle thennes. Thouȝ this be wonderful who that hath rad the ferthe*. [vurde, γ.] book of Gregories dialoge schal not deme that hit myȝt nouȝt be trowed. Therfore it is writen*. [wreton, Cx.] that fendes cast out a wicked man that was buryed in chirche and so hit ferde of Charles Macellus*. [Marcellus, Cx.] as it is seide toforhond.*. [byfore, Cx.]