Capitulum quadragesimum primum.
CLEOPATRA, the doȝhter of Ptholomeus Dionisius, reignede in Egipte xxij. yere, that is to say, ij. yere afore Iulius Cesar, and v. yere vnder Iulius Cesar, and xv. yere vnder Octaui|anus Augustus. A ciuile batelle began to sprynge betwene Iulius and Pompeius, his fader in lawe. Giraldus. For Iulius askede condigne honores after the x. yere y-paste in whom he hade soore and grevous labores. But Pompeius, Cato and Marcellus seide contrary þerto, commaundenge hym that he scholde comme to the cite withowte eny hoste. Eutro|pius, libro 6o. Pompeius Magnus was sente to the legiones