firste partie of this present book, the [xixe.] [Spaces left in the MS. for the numbers. See pp. 115, 137.] chapiter it is proued that priuely and impliedli thei ben witnessid bi Holi Scripture, and also bifore in the [ije.] [Spaces left in the MS. for the numbers. See pp. 115, 137.] chapiter of this present ije. partie it is opened that thei ben expresseli witnessid bi Holi Scripture; and therfore needis the viije. argument in no wise proueth his entent.
And as for the text of [Either of should be cancelled or Poul added.] which is alleggid Coloc. ije. capitulum., as thouȝ he schulde helpe, thouȝ that he in no thing helpith, it is to be seid thus: That in thilk text Poul wole that men leene not to eny philsophie which is aȝens feith, namelich aȝens the feith which is of Christis persoon and of his incarnacioun. And thouȝ men ouȝten not forto attende, trust, lene, and bileue to philsophie in mater of feith; hereof folewith not that thei ouȝten [oute, MS. (first hand).] not truste and lene to phil|sophie in mater being not of feith. And that Poul so vnderstondith as now is seid of philsophie strecching him aȝens feith of the incarnacioun of Crist, it is open bi this: that the text and processe going next bifore this alleggid text spekith of feith to be had into Iesus Crist for his incarnacioun. Forwhi it is seid there thus: Thouȝ y be absent in bodi, ȝit bi spirit y am with ȝou, ioiyng and seyng ȝoure ordre and the sadnes of ȝoure bileeue which is in Crist. Therfore as ȝe han take Iesus Crist oure Lord, walke ȝe [ȝe is interlineated by a later hand.] in him; and be ȝe rootid and bildid aboue in him, and confermed in the bileeue as ȝe han leerned, abounding in him in doinge of thankingis. Thus miche there. And thanne next after Poul settith herto the text alleggid bifore in the viije. argument thus: Se ȝe that no man deceyue ȝou bi philsophie [vein philsophie, MS. (first hand).] and vein fallace,
