denyeth eny point of it, he is vnable to be admittid and to be receyued into eny enquiraunce or commu|naunce forto fynde, leerne, and knowe treuthis, so that the significacioun of these wordis be maad open to him, that he vnderstonde what the wordis meenen.
The vje. supposicioun or reul is this: What euer thing is knowe in mannys vndirstonding to be vn|trewe is knowe to be vntrewe bi the same ij. kindis of groundis bifore rehercid, bi which treuthe is knowun, as ben the doom of resoun and the asser|cioun of a trewe persoon; and so forth descending into membris [into the membris, MS.; but the is cancelled by a later hand.] of hem, as the bifore ije. reule hem dividith and departith. This reule is openli trewe. Forwhi what other ground than eny of these now rehercid couthe be assigned, forto bi it knowe a thing to be vntrewe, no man can seie. Also, whan euer a thing is knowun to be vntrewe, than al it which is ther in [A later hand has joined this word to the foregoing, needlessly and against the more usual division in this MS.] knowun is a treuth. Forwhi al what is so ther yn knowun is this: That thilk thing is vntrewe, and this is a trouthe; and ech trouthe is knowun bi the seid groundis oonli, as the firste and ije. reule schewen. Wherfore nedis this, that this is vn|trewe, is knowe bi the same kindis of groundis oonli. And therfore this vje. reule is nedis to be grauntid as for trewe.
This vije. reule is this: Ech treuthe knowun in mannis vnderstonding is a treuthe considerable or spe|culable or biholdable oonli, that is to seie, such as where vpon neither mannis doing in moral conuersa|cioun, neither mannis making in craft fallith; as is this, that aungelis ben vnbodili substauncis; and this, that the planetis moven fro eest into west, and suche othere; or it is a treuthe doable or makeable, that
