Corpus of Middle English Prose and Verse

The repressor of over much blaming of the clergy.

Seie to me, good Sire, and answere herto, whanne men of the cuntre vplond bringen into Londoun in Myd|somer eue braunchis of trees fro Bischopis wode and flouris fro the feeld, and bitaken tho to citeseins of Londoun forto therwith araie her housis, schulen men of Londoun receyuyng and taking tho braunchis, and flouris, seie and holde that tho braunchis grewen out of the cartis whiche brouȝten hem to Londoun, and that tho cartis or the hondis of the bringers weren groundis and fundamentis of tho braunchis and flouris? Goddis forbode so litil witt be in her hedis. Certis, thouȝ Crist and his Apostlis weren now lyuyng at Londoun, and wolden bringe so as is now seid braunchis fro Bischopis wode and flouris fro the feeld into [to Londoun, MS.; but in is interlineated in an ink of the same colour.] Londoun, and wolden delyuere to men that thei make there with her housis gay, into remembraunce of Seint Iohun Baptist, and of this that it was prophecied of him that manye schulden ioie in his birthe, ȝit tho men of Londoun receyuyng so tho braunchis and flouris ouȝten not seie and feele that tho braunchis and flouris grewen out of Cristis hondis, and out of the Apostlis hondis. Forwhi in this dede Crist and the Apostlis diden noon other wise than as othere men miȝten and couthen do. But the seid receyuers ouȝten seie and holde that tho braunchis grewen out of the bowis vpon whiche thei in Bischopis wode stoden, and tho bowis grewen out of stockis or tronchons, and the tronchons or schaftis grewen out of the roote, and the roote out of the nexte erthe therto upon which and in which the roote is buried, so that neither the cart, neither the hondis of the bringers, neither tho bringers ben the groundis or fundamentis of the braunchis; and in lijk maner the feld is the fundament of tho flouris, and not the
/ 822
Pages Index

Actions

file_download Download Options Download this page PDF - Page 28 Image - Page 28 Plain Text - Page 28

About this Item

Title
The repressor of over much blaming of the clergy.
Author
Recock, Reginald, bp. of Chichester, 1395?-1460?
Canvas
Page 28
Publication
London,: Longman, Green, Longman, and Roberts,
1860.
Subject terms
Lollards
Great Britain -- Church history

Technical Details

Link to this Item
https://name.umdl.umich.edu/ahb1325.0001.001
Link to this scan
https://quod.lib.umich.edu/c/cme/ahb1325.0001.001/138:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

Related Links

Manifest
https://quod.lib.umich.edu/cgi/t/text/api/manifest/cme:ahb1325.0001.001

Cite this Item

Full citation
"The repressor of over much blaming of the clergy." In the digital collection Corpus of Middle English Prose and Verse. https://name.umdl.umich.edu/ahb1325.0001.001. University of Michigan Library Digital Collections. Accessed May 1, 2025.
Do you have questions about this content? Need to report a problem? Please contact us.