he let her of his holi spel,
wor-ðurg we mugen folgen him
in-to his godcundne se fin.
Line 780
and ðat wirm ure wiðerwine,
wor so of godes word is dine,
ne dar he stiren, ne noman deren,
ðer [? ðe.] wile he lage and luue beren.
Line 784
Dove
Natura columbe et significacio.
ÐE culuer haueð costes gode,
alle wes ogen to hauen in mode,
seuene costes in hire kinde,
alle it ogen to ben us minde,
Line 788
ge ne haueð in hire non galle,
simple and softe be we alle;
ge ne liueð nogt bi lagt;
Ile robbinge do we of bac. [? hac = ac, also.]
Line 792
ðe wirm ge leteð and liueð bi ðe sed,
of cristes lore we haue ned;
wið oðre briddes ge doð as moder,
so og ur ilk to don wið oðer;
Line 796
woning and groning is lic hire song,
bimene we us, we hauen don wrong.
In water ge is wis of heuekes come,
and we in boke wið deules nome;
Line 800
In hole of ston ge makeð hire nest,
In cristes milce ure hope is best.
