so it her telleð;
oc finde ge ðe wete,
corn ðat hire qwemeð,
Al ge forleteð ðis oðer seð
Line 260
ðat ic er seide;
Ne bit ge nowt de barlic
beren abuten;
oc suneð it and sakeð forð,
Line 264
so it same were.
get is wunder of ðis wirm
more ðanne man weneð,
ðe corn ðat ge to caue bereð
Line 268
al get bit otwinne,
ðat it ne forwurðe
ne waxe hire fro,
er ge it eten wille.
Line 272
Significacio.
Ðe mire muneð us
mete to tilen,
Long liuenoðe,
ðis little wile
Line 276
ðe we on ðis werld wunen:
for ðanne we of wenden,
ðanne is ure winter;
we sulen hunger hauen
Line 280
and harde sures,
buten we ben war here.
do we forði so doð ðis der,
ðanne be we derue
Line 284
On ðat dai ðat dom sal ben,
ðat it ne us harde rewe:
Seke we ure liues fod,
ðat we ben siker dere,
Line 288
So ðis wirm in winter is,
ðan ge ne tileð nummore.
