Þai myȝt not tel þe payns in hel duryng,
Line 320
Fore þai may not be noumbyrd treuly."
Here-fore dere breder þat beþ present,
Þat heren þese payns, þese gret turment,
Torne ȝou to god omnipotent
Line 324
Þat we mow reyng with him in heuen perpetualy.
XXVI.
¶ Alas! þat euer one cristyn mon
Wil not haue þat mater in mynd!
What schame, and chenchip, confucion
Line 328
Þai schal haue þat seruen þe fynd,
Þat here mysdedis þai nyl not mend,
And fore-sake here synnus and be sory,
And sen al day what chamful end
Line 332
Þay haue þat leuyn here vnryȝtwysly;
To god þis is a he trespas,
Þat neuer on be oþer ware wil be,
And wraþ here god wetyngly
Line 336
Þat dyud fore hom on rod tre,
Þai bene acursid syrs in thys case;
XXVII.
¶ Fore hel is not ordend fore ryȝtwyse mon,
Bot fore hom þat seruen þe fynd,
Line 340
No more þan is a preson of lyme and stone
Bot fore hom þe lawis offend.
Cursid dedis makis men al day eschend,
And þeffys ['þeuys' originally.] on galous on hye to hyng.
Line 344
Þer ryȝtwys men þai han good end,
Þat seruyn here god in here leuyng.
y pray ȝou seris trest wele hereto,
Fore he þat leuys here ryȝtwysly,
Line 348
On what deþ euer he dey,
His soule neuer paynd schal be,
Ne neuer after wit of wo:
