And prayd hyle to godis oune sun
Fore þe soulis in hel sum ryst haue þer.
Oure lorde he made hem þis honswere,—
"Þroȝ þe besechyng of myn angelis alle,
Line 292
And of poule myn apostil, leue and dere,
Þis special grace graunt ham I schal,
Fro setter-day at non, y say treuly,
And al þe fest of þe sununday
Line 296
In-to þe fyrst our of monday,
In reuerens þat ȝe here-fore ham pray,
Þai schal haue rou and rest perpetualy."
XXIV.
¶ Þen al þe soulis in hel, with one steuen,
Line 300
Þai cryd and sayd with gret gladnes—
"Þe sun of god, on hi in heuen,
We bles þi grace and þi goodnes,
Þat þou woldist, of þi worþines,
Line 304
Graunt vs þi grace and þi mercy
Oure gret payns fore-to reles,
Vche sunday perpetualy;
Here-fore we þonk þe lord of al,
Line 308
Wo-so-euer wil halou þis sununday
Wele and worch it ful, as I ȝoue say,
With angelis of god in heuen fore ay,
Ioy and blis þer haue ȝe schal."
Line 312
XXV.
¶ Þen poule askid þe angel anon—
"Houe moné payns in hel þer be?"
Þe angel answerd him ful sone—
"iiij. Ml. a .C. and fourté,
Line 316
And hunder men þaȝ þer were truly
Fro þe bekyny[n]g of wor[l]d ['1' added in a later hand.] ay spekyng,
And vche a .C. tungis had soþly
