Of al þe payns in hel hit is most,
Fore þai soȝt no grace ne no mercy,
Line 228
Bot synnud aȝayns þe hole gost;
Þat sin schal neuer fore-ȝeuen be,
To god hit is most hye trespace
To mys-trost his mercy and grace;
Line 232
So ded þat traytur, false iudas,
And dampned him-self perpetualy."
XIX.
¶ Anon poule a ioyful syȝt gon se,
A ryȝtful soule angelis beryng,
Line 236
Þat oure was rauyschid sro his body,
Vp taward heuen þai con him bryng.
Þen poule herd a voyse, a heuenlé þyng,
A þousand angelis to-geder holy,
Line 240
Þat said and song in his heryng:—
"Be glad blesful soule perpetualy,
Fore þe wil of þi god þou hast edon."
Þai beryn hym vp be-fore oure lord.
Line 244
Þen mychael let him to gret cumford,
In ioy and blis to haue reward,
Laudes deo þai song vcheon.
XX.
¶ Þen sayd poule, with gret gladnes,
Line 248
"Wele is ham to euen may go!"
Þe angel answerd in good soþnes:—
"Þai schul haue wele, without wo,
No tong con tel, ne hert þynke þer-to;
Line 252
Þe lest ioy þat is in paradyse
In heuen bene a þousand vnderde mo;
Was neuer clerke couþ ham deuyse
Þe lest ioy to mon god haþ ordend,
Line 256
Fore þo ioys schul neuer sese,
Bot euer enduyre and euer encres,
