XVI.
¶ Þen after poule forsoþ he se
Line 196
In a wonderful depe plase,
As fro þe erþ to heuen on hy,
Vche soule on oþer couchid þer was,
For fader and moder þai had dispisid alas!
Line 200
Orebil wormys devouryd hem þere.
Þen poul he herd a dolful noyse,
As layte or þonder þat hit were;
Þen was he ware of a soule anon,
Line 204
Be-twen .iiij. fendes borne he was;
He rored and cryd alas! alas!
Þat euer his bodé con forth passe
With-out schrift housil contricion!
Line 208
XVII.
¶ Þe angelis of god aȝayns him criud
"Alas wrechid soule what hast þou done?"
In erþ þe fyndis þem verefyd,
Dispisid godis laus euerechon,
Line 212
To-fore him þai red his dedis anon,
And cast him in-to derkens deppist of alle.
Quod angel to poule "be-leue vche mon
As ȝe do in erthe so haue ȝe schal;
Line 216
He haþ fre choys to do good or elle,
Fore vche good dede rewardid schal be
In erþ, or ellis on euen on hei,
And vche cursid dede ponyschid truly
Line 220
In erþ, in purgatore, or ellis in hel,
XVIII.
¶ For þis schal be here ponyschyng:—
Pride, couetyse, wrat[h], enuy,
Þese be þe brondis in hel brenyng,
Line 224
Lechore, slouþ, and glotery;
Þen disparacion of godis mercy,
