Ne leuyd not chast in his bodé,
In word, in dede, in þoȝt treuly,
Bot couetis prude, euer out of charyté;
Line 168
To al payne ent domysday he schal go."
XIV.
¶ Þen poule he weppid with heue chere.
Þe angel sayd, "why wepis þou soo?
Þou sest not þe gret payn þat beþ here,
Line 172
come on, with me now þou schal goo."
he lad him to þe blak pit þo,
With vij. selys was selid treuly;
Þer-in was care, sorow, and wo,
Line 176
Stenche and al maner turmentry.
"Stonde vttir poule," quod þe angel þen.
Anon he vnselid þe pit þore,
With a stynche gurd out arore,
Line 180
Al þe payne hit passid be-fore;
Hit wold haue slayn al crystin men.
XV.
¶ Þen poule he askid þe angel in hye,
"What pepul in þis pit ben don?"
Line 184
"Þese beleuid not in vergyn mary,
Ne treuly in cristis carnacione;
Þai beþ vncristynd euerechon,
And neuer resayuyd cristis body;
Line 188
Al-þo in-to þat pet þay gon,
Of hem schal neuer be memory
On him in heuen, to-fore godis son,
Fore hit is godis wil specialy,
Line 192
Of eretekis schal be no memoré,
Ne false cristin men, renegatis þat dyed curstly,
Of hom is no redempcion."
