In þe wyche is heuenes with-out gladnes,
In þe wyche is sorou of hert contenualy,
In þe wych of wepyng is gret plenteuesnes:
In þe wyche þer is a brenyng wel,
Line 48
A. þosand tymys an our about doþ ren,
Vche day an angel fore smytis him þen,
A þousand soulis þer-in þai bren."
"Alas," sayd poule, "here is gret deel!"
Line 52
V.
¶ Affter poule se an orebbil flood,
In þe wyche moné deuelis bestis were in fuyre;
As feschis in þe se about þai ȝod,
Deuowreng soulis as hit chep were;
Line 56
A brygge was ouer þat gret water,
Þat soulis passud ouer after here meryt.
Moné an euyl moncion was þer ordent [folio 17b]
As crist in þe gospel reherse het ["Lygate faceculus ad comburandum similis cum similibus"]
Line 60
"Bynd bundels to-geder to be I-brent.
Bynd spousebrekers with awouters,
And ranegates with raueners,
And cursid leuers with here cumpers,
Line 64
And cast ham in þe fuyre with-out end."
VI.
¶ Þer poule moné soulis he se
Þat were dround in þat watere;
Sum stod vp to þe kne,
Line 68
And sum to þe armes a lytil laȝghere,
And sum to þe lippis moche deppere,
And sum to þe brouys oche day were paynd.
Þen poule sykud and wept with gret doloure,
Line 72
And at þe angel anon he fraynd
"What soulis ben þese bene drownyd here."
