II.
¶ To-fore hel ȝatis furst þai se þen
Mone an orebil brenyng tre,
Hengyng ful of women and men,
Line 16
Þat was a sorouful syȝt to se;
Sum be þe hed, sum be þe tungus treuly,
Sum be þe fyt, sum be þe hond,
Sum be þe membirs of here body,
Line 20
Þat þai han sunnyd with-in herthe leuand.
Þe angel to poule he sayd þon:—
"Þese greuyn god ful greuously
With al þe lymys of here body,
Line 24
In lechery, slouþ, and glotoné,
And dyed in det and dedlé syn."
III.
¶ With-yn þe ȝatis, wen þay were passid,
A meruelis fournes þer þai se,
Line 28
Mone a synful soule were þer-in cast;
.iiij. flamys o foyre stod on alye,
Of dyuers colours wonderfully;
About þat fournes .vij. sorous þer were,
Line 32
Gret snow, gret yse, gret cold greslé,
Gret eddyrs, gret stenche, gret leyte, gret foyre.
Þen þe angel sayd to poule treuly:—
"Þese were proud men, raueners echon,
Line 36
Extorcioners, monslers, robbid mone one;
Satisfaccion in erþ þai wold do non,
And deseredyn treu ayrs vnryȝtfully:
IV.
¶ Here þai schal haue here payns þer-fore
Line 40
Fore al þe synns þai han don cursidly.
Sum wepin, sum waylin, sum gron ful sore,
Sum broudun, sum brennen, dissyryn to dye.
Hou dredful is hel here may ȝe se,
Line 44
