An Old English miscellany containing a bestiary, Kentish sermons, Proverbs of Alfred, religious poems of the thirteenth century,

XXVIII. A Song to the Virgin. [Egerton MS. 613, leaf 2.]

Of on þat is so fayr and briȝt. velud maris stella. Briȝter þan þe day-is liȝt. parens et puella. Line 4 Ic crie to þe þou se to me. Leuedy preye þi sone for me. tam pia. Þat ic mote come to þe; Line 8 maria.

Of kare conseil þou ert best. felix fecundata. Of alle wery þou ert rest. Line 12 mater honorata. Bi-sek him wiz milde mod. Þat for ous alle sad is blod. in cruce. Line 16 Þat we moten komen til him. In luce.

Al þis world was for-lore. eua peccatrice; Line 20 Tyl our lord was y-bore; de te genitrice. With aue it went a-way. Þuster nyth and comet þe day Line 24 salutis Þe welle springet hut of þe; uirtutis.

Leuedi flour of alle þing. Line 28 rosa sine spina. Þu bere ihesu heuene king. gratia diuina. Of alle þu berst þe pris. Line 32 Leuedi quene of parays. electa. Mayde milde. Moder. es effecta. Line 36

Wel he wot he is þi sone. uentre quem portasti. He wyl nout werne þe þi bone. paruum quem lactasti; Line 40 So hende and so god he his. He hauet brout ous to blis. superni. Þat hauez hi-dut þe foule put. Line 44 inferni.

Explicit cantus iste.