An Old English miscellany containing a bestiary, Kentish sermons, Proverbs of Alfred, religious poems of the thirteenth century,

Tractatus quidam.

Þeo soþe luue a-mong vs beo. wyþ-vten euch endynge. And crist vs lete wel i-þeo. and yue vs his blessynge. Line 4 And yeue vs þat we moten fleo. euer sunegynge. And þene feond and al his gleo. and al his twyelinge. Line 8

Vte we wurþi þene louerd god. þat hider vs brouhte. He wes wiþ vs swiþe edmod. þar he vs wrouhte. Line 12 And eft he wes ihonge on rode. for helpe þene vor-wrouhte. Mid his fleysse and myd his blod. he vs alle bouhte. Line 16

Iblessed beo such eþerling. vs mylce þat he wolde. He is vre beste king. we ouhte beon hym holde. Line 20

Line 20 And we beoþ alle. his of-sprung. iknowe we hit scholde. For he scop vs and alle þing. of þar eorþe molde. Line 24

Crist vs haueþ of eorþe iwrouht. to eorþe he wule vs sende. Mid his deþe we weren ibouht from þe feondes bende. Line 28 He hit haueþ al bi-þouht. þe frumþe to þon énde. How we beoþ hider ibrouht. and hwider we schulle wende. Line 32

If we beoþ ryhtwise. and luuyeþ vre dryhte. And doþ his seruyse. myd al vre myhte. Line 36 Ne þarf vs neuer a-gryse. bi daye ne bi nyhte. We schulle in paradys[e]. schynen swiþe bryhte. Line 40

ÞIs world is neyh þan ende. þe deþ neyeþ blyue. Heonne we schullen wende. [folio 266b] ne may non her bi-leue. Line 44 Þe dom. is vs neyh hende. yef we vs leteþ schryue. Crist vs wile sende. to þon eche lyue. Line 48

Vte we holde þat ilche bod. þat crist vs wile theche. He yef vs liþ and deþ anfoþ. he is vre leache. Line 52 Vre euch beo wiþ oþer edmod. on werke and of speche.

Elles vre louerd god. on vs wulle don wreche. Line 56

Mid gode beode myd gode þonk. we schule to criste grede. And bidde mylce of vre wrong. of vre gydihede. Line 60 Of vre sunnen þat beoþ wel strong. of vre fule dede. Hwenne cumeþ he vs among. and wile vs myd him lede. Line 64

Vre louerd crist vs wule téo. to heouene myd iwisse. If we wulleþ vuel fleo. ne þurue [we] þat mysse. Line 68 Wel is him þat schal þer beo. he may þer habbe lysse. He may þer. euer crist iseo. and ioye inouh. and blysse. Line 72

Þer wurþ day buten nyhte. ne þarf þar no mon syche. Hwer forþ [? Þer wurþ.] griþ wyþ-vten fiht. wel god is heoueneriche. Line 76 Þer wurþ soþ wiþ-vten vnriht. and euer hit wurþ ilyche. Þer wurþ euenyng. carle [MS. clare.] and cnyht. poure men and riche. Line 80

Þe [MS. Ve.] soþe luue is heom among and mylce and ryhtwisnesse. Rihte bi-leue and clene þonk. and sibbe and edmodnesse. Line 84 Ne wurþ þer vnryht ne wrong. ne wreþþe ne idelnesse. Þer wurþ ioye and mury song. wiþ-vte swikelnesse. Line 88

Line 88

If we wulleþ þider in. to þare riche wunynge. Idelschipe. and luþer iwyn. and wraþþe and hatynge. Line 92 Prude and onde and feondes gyn. and vyche sunegynge. We mote for-sake. er vre fyn. and do þer-of [mendinge] [In a later hand.] Line 96

We schulde among vs habben ay. soþe luue and sibbe. We schulde abute cristes lay. beon yeornfulle. and clybbe. Line 100 We schulde luuye alle way. for we beoþ alle isybbe. And vs ibidde. nyht and day. [folio 267] hwihles þat we libbe. Line 104

Þe soþe luue is god and mylde. nys heo nowiht sturne. Nis heo nouþer prut ne wilde. nele heo non ayhte yrne. Line 108 Þat folk worþ eft wroþe i-spild. þe nule to hire turne. Ihesuc seynte Marie child. heom wule his riche werne. Line 112

Þe soþe luue is al rihtwis. ne kepeþ heo non onde. Mid þan folke þat riht wis is. he wile ay at-stonde. Line 116 Vre louerd crist þat almyhti is. alese vs of his bonde. And lede vs in-to heouene blys. and sette vs on his ryht honde. Amen. Line 120