An Old English miscellany containing a bestiary, Kentish sermons, Proverbs of Alfred, religious poems of the thirteenth century,

VI. The Five Joys of the Virgin.

Her bi-gynneþ þe vif Blyssen of vre leuedi seynte Marie. [folio 254]

Leuedy for þare blisse. þat þu heddest at þe frume. Þo þu wistest myd iwisse. þat ihesuc wolde beo þi sune. Line 4 Þe hwile we beoþ. on lyue þisse. sunnen [MS summen.] to don is vre wune. Help vs nv þat we ne mysse. of þat lif þat is to cume. Line 8

Moder. bliþe were þu þo. hwanne þu iseye heouen-king. Of þe ibore wiþ-vte wo. þat scop þe and alle þing. Line 12 Beo vre scheld from vre ivó. and yef vs þine blessyng. And bi-wyte vs euer-mo. from alle kunnes suneging. Line 16

Leuedi al myd rihte. þu were gled and bliþe. Þo crist þureh his myhte. arós from deþe to lyue. Line 20 Þat alle þing con dihte. and wes i-boren of wyue. He make vs clene and bryhte. for his wundes fyue. Line 24

Line 24

From þe Munt of olyuete. þo þi sone to heouene steyh. Þu hit by-heolde myd eye swete. for he wes þin heorte neyh. Line 28 Þer he haueþ imaked þi sete. in o stude þat is ful heyh. Þer þe schulen engles grete. for þu ert boþe. hende and sleyh. Line 32

Þe king þat wes of þe ibore. to heouene. he þe vette. To þare blisse þat wes for-lore. and bi hym seolue sette. Line 36 Vor he hedde þe icore. wel veyre he þe grette. Blyþe were þu þer-vore. þo engles þe imette. Line 40

Moder of Milce. and mayde hende. ich þe bidde as i con. Ne let þu noht þe world vs blende. þat is ful of vre ivon. Line 44 Ac help vs at vre lyues ende. þu þat bere god and mon. And vs alle to heouene sende. hwenne we schulle þis lif for-gon. Line 48

Ihesuc for þire moder bene. [folio 254b] þat is so veyr and so bryht. Al so wis so heo is quene. of heouene and eorþe. and þet is ryht. Line 52 Of vre sunnes make vs clene. and yef vs þat eche lyht. And to heouene vs alle i-méne. louerd þu bryng. for wel þu Miht. Line 56