25.
¶ Þus quad Alured:
Uretu noth [? nocht.] to swiþe
þe word of þine wiue;
for þanne hue bed i-warþed [W. i-wuarþ|ed (?).]
Line 320
mid wordes oþer mid dedes,
wimmon weped for mod
ofter þanne fro eni god,
and ofte lude and stille
Line 324
for to wurchen hire wille.
Hue weped oþer wile,
þen hue þe wille biwilen
Salamon hid hawit i-sait,
Line 328
hue can moni yuel reid.
Hue ne mai hit non oþir don,
for wel herliche hue hit bi-gan.
Þe mon þad hire red folewiþ,
Line 332
he bringeþ him to soruge; [W. seruge.]
for hit is said in lede,
cold red is quene red.
Hi ne sawe it [K. hit.] nocht bi þan,
Line 336
þat god þing is god wimmon;
þe mon þad michte hire cnoswen, [Read cnowen.]
and chesen hire from oþere.
. . . . .
Line 340
. . . . .
. . . . .
19.
¶ Þus quad Alured:
Mani mon [K. man.] wenit
Line 344
þat he wenin ne þarf,
frend þad he habbe,
þer mon him faire bi-hait,
seiet him faire bi-foren,
Line 348
fokel at-henden.
