At nones fremannes borde.
ne haue þu to vale worde.
Mid fewe worde. wismon
fele biluken wel con.
Line 420
And sottes bolt is sone i-scohte.
for-þi ich holde hine for dote.
þat sayþ al his wille.
þanne he scholde beon stille.
Line 424
For ofte tunge brekeþ bon;
þeyh heo seolf nabbe non.
23.
þus queþ Alured.
Wis child is fader blisse.
Line 428
If hit so bi-tydeþ
þat þu bern ibidest.
þe hwile hit is lutel.
ler him mon-þewes.
Line 432
þanne hit is [folio 265] wexynde;
hit schal wende þar-to.
þe betere hit schal iwurþe
euer buuen eorþe.
Line 436
Ac if þu him lest welde.
werende on worlde.
lude and stille.
his owene wille.
Line 440
hwanne cumeþ ealde.
ne myht þu hyne awelde.
þanne deþ hit sone.
þat þe biþ vnyqueme.
Line 444
Ofer-howeþ þin ibod.
and makeþ þe ofte sory-mod.
Betere þe were.
iboren þat he nere.
Line 448
for betere is child vnbore.
þane vnbuhsum.
