Þat folden schalle be with fulle grete lore,
Two quarters on lenkethe and sumdele more;
Line 700
A qwyte cuppe of tre þer-by shalle be,
Þer-with þo water assay schalle he;
Quelmes [covers. 'Ovyr quelmyd or ouer hyllyde. Obvolutus.' P. Parv.] hit agayn by-fore alle men;
Þo keruer þe bassynges tase vp þenne;
Line 704
Annaunciande squier, or ellis a knyȝt,
Þo towelle down tase by fulle good ryȝt;
Þo cuppe he tase in honde also,
Þo keruer powres wat[er] þe cuppe into;
Line 708
The knyȝt to þo keruer haldes anon,
He says hit ar he more schalle don;
Þo cuppe þen voyde is in þo flette, [A. S. flett, room, hall.]
Þe euwer hit takes with-outen lette.
Line 712
The towelle two knyȝhtis schyn halde in fere,
Be-fore þe lordes sleues, þat ben so dere;
The ouer bassyn þay halde neuer þe queder,
Quylle þo keruer powre water in-to þe nedur.
Line 716
For a pype þer is insyde so clene,
Þat water deuoydes, of seluer schene;
Þen settes he þe nethyr, I vnd[u]rstonde,
In þe ouer, and voydes with bothe is honde;
Line 720
And brynges to þe euwer þer he come fro;
To þo lordys bordes aȝayn con go;
And layes iiij trenchours þo lorde be-fore,
Þe fyft aboue by good lore;
Line 724
By hym self thre schalle he dresse,
To cut opon þe lordes messe; [folio 25]
Smale towelle a-boute his necke shalle bene,
To clens his knyfys þat ben so kene.
Line 728
¶ De Elemosinario. [See The Almonry of Henry VIII. A.D. 1526, H. Ord. p. 154, and p. 144; A.D. 1539, H. Ord. p. 239.]
¶ The aumenere by þis hathe sayde grace,
And þo almes dysshe hase sett in place;
