¶ De panetario.
¶ Þenne comes þe pantere with loues thre,
Þat square are coruyn of trenchour fre,
Line 668
To sett with-inne and oon with-oute,
And saller y-coueryd and sett in route;
With þo ouemast lofe hit shalle be sett, [folio 24]
With-oute forthe square, with-outen lett;
Line 672
Two keruyng knyfes with-oute one,
Þe thrydde to þo lorde, and als a spone.
¶ De Cultellis domini.
¶ Of þo two þo haftes schynne outwarde be,
Of þe thrydd þe hafte inwarde lays he,
Line 676
Þe spony stele þer by schalle be layde;
Moo loues of trenchirres at a brayde
He settes, and seruys euyr in fere
To duches his wyne þat is so dere.
Line 680
Two loues of trenchors and salt þo,
He settes be-fore his son also;
A lofe of trenchours and salt on last,
At bordes ende he settes in hast.
Line 684
Þen brede he brynges, in towelle wrythyn,
Thre lofys of þo wyte schalle be geuyn;
A chet lofe to þo elmys dyshe,
Weþer he seruyd be with flesshe or fysche;
Line 688
At aþer ende he castes a cope,
Layde down on borde, þe endys plyed vp.
That he assayes knelande on kne,
Þo keruer hym parys a schyuer so fre;
Line 692
And touches þo louys yn quere a-boute,
Þo pantere hit etys with-oute dowte;
Þo euwere thurgh towelle syles [? Du. zijgen (door een zifte ofte Stramijn), to runne (through a Sift or a Strainer.). een Suyle a Pale or a Water-pale. Hexham.] clene,
His water into þo bassynges shene;
Line 696
Þo ouer bassyn þer-on schalle close,
A towelle þer-on, as I suppose,
