For som lordes þat ar of blod royalle / & litelle of lyvelode per chaunce,
and some of gret lyvelode / & no blode royalle to avaunce;
Line 1088
And som knyght is weddid / to a lady of royalle blode,
and a poore lady to blod ryalle, manfulle & myghty of mode:
þe lady of blod royalle shalle kepe þe state / þat she afore in stode,
the lady of low blode & degre / kepe her lordis estate, y make hit good.
Line 1092
The substaunce of lyvelode is not so digne / as is blode royalle,
Þerfore blode royalle opteyneth þe souereynte in chambur & in halle,
For blode royalle somtyme tiȝt to be kynge in palle;
of þe whiche matere y meve no more: let god gouerne alle!
Line 1096
There as pope or cardynalle in þeire estate beynge,
þat han fadur & modur by theire dayes lyvynge,
þeire fadur or modir ne may in any wise be pre|sumynge
to be egalle with theire son standynge ne sit|tynge:
Line 1100
Therfore fadir ne moder / þey owe not to desire
to sytte or stond by þeyre son / his state wille hit not require,
but by þem self / a chambur assigned for them sure,
Vn-to whom vche office ought gladly to do plesure. [folio 187b]
Line 1104
To the birthe of vche estate a mershalle must se,
and þen next of his lyne / for þeyre dignyte;
