youre souerayn aftir mete / his stomak to digest
yef he wille take a slepe / hym self þere for to rest,
Line 948
looke bothe kercheff & combe / þat ye haue þere prest,
bothe pillow & hedshete / for hym þe[y] must be drest;
yet be ye nott ferre hym fro, take tent what y say,
For moche slepe is not medcynable in myddis of þe day.
Line 952
wayte þat ye haue watur to wasche / & towelle alle way
aftur slepe and sege / honeste will not hit denay.
Whan youre souerayne hathe supped / & to chambur takithe his gate,
þan sprede forthe youre fote shete / like as y lered yow late;
Line 956
than his gowne ye gadir of, or garment of his estate,
by his licence / & ley hit vpp in suche place as ye best wate.
vppon his bak a mantell ye ley / his body to kepe from cold,
Set hym on his fote shete [
þo lorde schalle shyft hys gowne at nyȝt,Syttand on foteshete tyl he be dyȝt. The Boke of Curtasye, l. 487-8, below.] / made redy as y yow told; Line 960 his shon, sokkis, & hosyn / to draw of be ye bolde; þe hosyn on youre shuldyr cast / on vppon your arme ye hold; [folio 185b] youre souereynes hed ye kembe / but furst ye knele to ground; þe kercheff and cappe on his hed / hit wolde be warmely wounde; Line 964
