& þe hoole / hym self, looke þer no borde be sene,
þeron a feire quoschyn / þe ordoure no man to tene
looke þer be blanket / cotyn / or lynyn to wipe þe neþur ende [An arse wispe, penicillum, -li, vel anitergium. Withals. From a passage in William of Malmesbury's autograph De Gestis Pontificum Anglorum it would seem that water was the earlier cleanser.] ;
and euer when he clepithe, wayte redy & entende,
Line 936
basoun and ewere, & on your shuldur a towelle, my frende [In the MS. this line was omitted by the copier, and inserted in red under the next line by the corrector, who has underscored all the chief words of the text in red, besides touching up the capital and other letters.] ;
In þis wise worship shalle ye wyn / where þat euer ye wende
The Warderobeȝ. [See the 'Warderober,' p. 37, and the 'office of Warderobe of Robes,' in H. Ord. p. 39.]
IN þe warderobe ye must muche entende besily
the robes to kepe well / & also to brusche þem clenly;
Line 940
with the ende of a soft brusche ye brusche þem clenly,
and yet ouer moche bruschynge werethe cloth lyghtly.
lett neuer wollyn cloth ne furre passe a seuenyght
to be vnbrosshen & shakyn / tend þerto aright,
Line 944
for moughtes be redy euer in þem to gendur & a|liȝt;
þerfore to drapery / & skynnery euer haue ye a sight.
