when he shalle serue his mastir, before hym on þe table hit lyes;
Euery souereyne of sadnes [sobriety, gravity.] alle suche sort shalle dispise.
Line 308
Many moo condicions a man myght fynde / þan now ar named here,
þerfore Euery honest seruand / avoyd alle thoo, & worshippe lat hym leere.
Panter, yoman of þe Cellere, butlere, & Ewere,
y wille þat ye obeye to þe marshalle, Sewere, & kervere. [Edward IV. had 'Bannerettes IIII, or Bacheler Knights, to be kervers and cupberers in this courte.' H. Ord., p. 32.] "
Line 312
"Good syr, y yow pray þe connynge [MS. comynge.] of kervynge ye wille me teche,
and þe fayre handlynge of a knyfe, y yow beseche,
and alle wey where y shalle alle maner fowles / breke, vnlace, or seche, [See the Termes of a Keruer in Wynkyn de Worde's Boke of Keruynge below.]
and with Fysche or flesche, how shalle y demene me with eche."
Line 316
"Son, thy knyfe must be bryght, fayre, & clene,
and þyne handes faire wasche, it wold þe welle be sene.
hold alwey thy knyfe sure, þy self not to tene,
and passe not ij. fyngurs & a thombe on thy knyfe so kene;
Line 320
In mydde wey of thyne hande set the ende of þe haft Sure,
Vnlasynge & mynsynge .ij. fyngurs with þe thombe / þat may ye endure.
kervynge / of bred leiynge / voydynge / of cromes & trenchewre,
with ij. fyngurs and a thombe/loke ye haue þe Cure.
Line 324
