John Russells Boke of Nurture. Harl. MS. 4011, Fol. 171.
In nomine patris, god kepe me / et filij for charite,
Et spiritus sancti, where that y goo by lond or els by see!
an vsshere y Am / ye may beholde / to a prynce of highe degre,
þat enioyethe to enforme & teche / alle þo thatt wille thrive & thee [do, get on.] ,
Line 4
Of suche thynges as here-aftur shalle be shewed by my diligence
To them þat nought Can / with-owt gret exsperience;
Therfore yf any man þat y mete withe, þat [? þat = nought can.] for fawt of necligence,
y wylle hym enforme & teche, for hurtynge of my Conscience.
Line 8
To teche vertew and connynge, me thynkethe hit charitable,
for moche youthe in connynge / is baren & fulle vnable;
þer-fore he þat no good can / ne to noon wille be agreable.
he shalle neuer y-thryve / þerfore take to hym a babulle.
Line 12
