of Saynte marye of Oseney and to þe chanons þere seruyng god, all londis churchis rentis tithis and possessions þey hauen in all my maners, of the yifte of Robert Doyly and the grauntyng of Roger of Iuorye my fadur, in-to pure and perpetuell almes, as þe charters of þe forsaide Robert and roger þe which they haue fully witnysse: and, for that I wyll þe yevyng and graun|tyng of þe forsaide Robert and Roger be sure and stable for euer, with my seele imprentyng this present writyng I haue i-seelid: These witnysse Robert, by þe grace of god Bisshop of lincoln; Robert Doyly þe yungur, et cetera.
[NOTE.—The charter, as it stands, cannot be genuine, because the Iveri family became extinct about 1110, several years before Oseney was founded. A genuine deed, by which Jeffrey of Iveri confirmed its possessions to the church of St. George, seems to have been adapted to strengthen the forgery (no. 21), by substituting 'Marye of Oseney' for 'George.'][23.] A confirmacion of Henry Doylly þe ffirst þe Sone [MS. has 'the Sone the Sone.' This is a genuine deed, extant as Brit. Mus. Add. Charter 20,361.] of þe saide Robert Doylly his ffadur off þe saide thynges.
A D. 1149. Grant to Oseney, by Henry Doyly I, of St. George's church.
BE hit i-knowe to all trew men of holy church that I, Henry Doylly, with þe consent and grauntyng of my Broþer Gilbert, and with þe counsell of Syre Robert (þe soone of Roger [A most misleading slip. The Latin has 'domini Roberti filii regis'; i.e. of lady Edith's son by Henry I.] ) my broþer and of my modur and of oder ffrendes and of my men, yefe and graunte, in-to perpetuell almys, for þe sowle of Kyng Henry and for þe sowle of my ffadur Robert Doylly and other kynnesfolkes and of myne aunceturs and for my helth and of my modur and of my brethryn and of oþer of my ffrendes and for þe state and welefare of all þe realme, to þe church of Saynte marye þe which my ffadur fundid in þe Ile þe which is i-called Oseney and to þe chanons in hit seruyng god, my church of Saynte George the which is in þe Castell of Oxonforde, with all thynges þe which ben of my fee and perteynyng to hit, þat is to say, in howses in tithis in playne in woode in ryvers and in ffedynges and in all oþer thynges, with customs & liberteis þe which he [Read 'it'; i.e. the church.] helde in þe
