a mese, and with all his pertinences and ffredoms to þe same londe longyng, and all þat I in them had or myȝght haue: to be holde and to be had, to þe saide chanons, of me and myne heyres for Euer, in-to ffree and perpetuell almys, quietly and worschipfully and ffrely, paying þerof yerely to me and to myne heyres ij. marke of siluer at iiij. termys of the yere (þat is to say, at cristmasse, dj. a marke; at Estur, dj.-marke; At mydsomer, dj.-marke; and at myȝghelmasse, dj.-marke) for all seruice sauyng the Kynges seruice, þat is to say, allonly xij. d. when scuage renneth. And I Jamys and myne heyres þe saide londe with þe mese agaynste all pepull and of seculer seruice and of All Sutes exaccions and Demaundys schall aquite and Defende by the foresaide Seruice. And if perauenture the saide londe with þe pertinences to þe saide chanons we may not warantiȝe whee schall make to þem an Eschaunge to þe value by the wiwe of lawfull men of owr oþer londes where þay may seme beste to spede to theme. And [if] ffor defawte of waran|tiȝyng aquityng and Defendyng of me or of myne heyres þe saide chanons harmys or expensis renne ynne, wee schall satisfie þem, withoute dyfferryng and Difficulte, By the vywe of lawfull men. And that þis my yeuyng, et cetera.
[256.]
1255/6, Feb. 2. Surrender to Oseney, by James le Blund, of the quit-rent reserved in no. 255.
TO all cristen men to þe which þis present writyng schall come Jamys lee Blunde of ffauflore helth. To þe know|lege of all yowe I wille hit come me, for me and for myne heyres, at Candelmasse the yere of our lorde Ml CClv., [to [Added from the Latin.] have quit-claimed the canons of Oseney for ever of two marks of silver] In the which þey were i-holde to me yerely by cause of ij. roddis [Read 'yardlands': 'racione duarum virgatarum'; see no. 255.] of londe with a mese þe which þay haue i-holde of me In Hokenorton, (þat [Brought in by the translator when he found he had made the omission above noted.] is for to saye, quite to haue i-clamyd to þe chanons of Oseneye ffor Euer of ij. marke yerely); wherefore I wille yff that oony writyng obligatorie, of þoo ij. marke makyng mencion, in oony tyme maye bee ffounde, þat hit be broȝght fforth and hit [folio 56a] to be i-had for nowȝght. In-to witnesse, et cetera.
[257.]
About 1200. Grant to Oseney, by Henry Doyly II, of leave to shut up a way.
KNOWE þoo that bee nowe and to Bee that I, Henry Doylly, the lorde Kynges constable, yafe and Grauntid, and
