peece, frely and quietly fro all Seculer seruice and Demaunde for Euer. And I, Robert, & myne heyres, all the foresaide thynges, with the pertinences, to þe foresaide churche and chanons schall warantiȝe and Defende Agaynste all pepull for Euer. In-to witnessis, et cetera.
[238.]
About 1230. Grant to Oseney, by Robert Bernard, of 2 acres.
KNOWE thoo þat be nowe and to Bee that I, Robert Bernarde of Hokenorton, yafe and Grauntid, and with this present charter confermyd, to God and to Seynte marie of Oseneye and to þe chanons þere seruyng god, for þe sowle of my ffadur and of my modur and of myne aunceturs, ij. acris of londe In the towne of Hokenorton, that is to saye, In the northfelde, j. acre þe which turneth towarde the waye of Smalebroc; In felde towarde þe Est, dj.-acre þe which turneth towarde fiffacram ['super Siffacram.'] , and dj.-acre þe which turneth vppon Karswelle lake: to be holde, In-to pure and perpetuell almys. Þese witnessis, et cetera.
[239.]
About 1230. Sale to Oseney, by Robert Bernard, of a half|acre and a piece of land, a half-acre, and a rood. Purchase|money, £1,
KNOWE þey that Bee nowe and to Bee that I, Robert Bernarde of Hokenorton yafe and Grauntid, and with my present charter confermyd, for me and for myne heyres for Euer, to God and to þe church of Oseney and to þe chanons [folio 52b] þere seruyng God, In-to ffree and perpetuell almys, j. dj.-acre of londe, that is to say, the ffirst dj.-acre of my crofte In the Este partie, with A litull parte of lond lying to, þe which is i-callid le Schelde; And anoþer dj.-acre Euyn agaynste ye courte of John chorleton, that is to say, þe ffyrst þe which ['qu[a]e curtatur.'] is i-schortid; and j. Rodde In Wadbrecche, that is to say, In mydullfurlonge nexte of the forewe: to be holde and to be had to þe saide chanons for Euer, well and In peece, ffrely and quietly fro all Seculer seruice exaccion and Demaunde. And I and myne heyres þe saide londe with [the pertinences] to þe saide chanons for Euer schall warantiȝe [and] defende agaynste all pepull, and of all seruice seculer & exaccion schall aquite and defende. And for this yifte Graunte and waran|tyȝyng þe saide chanons relesid to me all þe Dette that ['quod eis debebam.'] I wowid of the arrerage of my rente, that is to say, xx. s.
