The English register of Oseney abbey / by Oxford, written about 1460. Ed., with an introduction and indexes, by Andrew Clark.

make come here, fro the daye of Estur bithyn [By a slip for 'within.'] xv. daies xij. [i.e. 'probos homines.'] , et cetera. per quos, bi the which, et cetera. And the which, et cetera., to the Recognicion, et cetera., quia tam, et cetera. Aftirwarde fro the Daye of Estur In|to iij. wokes of our reine nowe þe xvij. come parties And the foresaide Raph and William, Hugh & Moolde, Saien that þe foresaide Richard none ryȝght clayme maye In the foresayde tenementes for he [Read 'they say': 'qui dicunt.'] Saieth that he hym-selfe relesed and quitc|claymed, of hym-selfe and his heyres aforesaide, to Raph and Willyam, Hugh and moolde, all the ryȝght & clayme [that he had] in þe foresaide tenementes for Euer, by A writyng of A quite-clayme that þay schowen in [The meaning is plain, but the grammar even in the Latin is confused.] that witnysseth, And the foresaide Richard maye not þat vnsaye, but ['immo illud concedit.'] that hee grauntith. Þerfor þe Saide Raph and oþer þerof withoute daye. And Richard for false clayme In mercy.

Reference to the re|cords of the Court of Common Pleas, for no. 210.

PLEIS at Westmynster, afore Thomas of Weylonde [Thomas of Weyland, Justice of Com|mon Pleas 1274, Chief Justice 1278-88.] and his ffelaws Justices of owr lorde Kynge of the Banke, fro þe terme of Seynte Myȝghell, In the ȝere of the Reyne of Kynge Edwarde the Soone of Kynge Henry xv, Weylonde begynnynge xvj. Weylond Michaell xv.

Reference to nos. 12, 16, 13, 14, 19, 18.

ÞABBOT of Oseney hathe In Hokenorton, of the yifte of Robert Doylly, and confirmacion of Henry Doylly, and of Kynges of Inglonde, and of Bisshops, And of the Chapiter of lincoln, and confirmacion of Pope Eugenie the iij., þe church [folio 47a] of Hokenorton, and j. hide of londe, with the pertinences, of the Dowre of þe Church, as it is open Abofe In the title of 'þe ffundacion of þe Church.'

Reference to no. 12.

BE hit i-knowe to true men of Holy church, bothe present and to be, þat I, Robert dolly, willyng and consentyng