grauntid, ande [folio 41b] with þis my charter confermed, to god and to þe church of seynte marie of Oseney and to William [William of Sutton, abbot 1268-84.] , Abbot, and to þe chanons þere seruyng god, j. ȝerde of londe with A mese, with medes, & with his oþer pertinences, In litull Tywe þe which I had of Robert ffiȝt Robert of Brocke and of Richard of Sandeforde: to be holde and to Be had, of me and of my heyres, In-to pure and perpetuell almes, al so muche as longeth to me and to myne heyres, ȝeldyng þerof ȝerely to Robert of Brock and to his heyres v. d. at cristmasse for all thynges þe which of þe londe or for þe londe maye or schall mowe to Be axid for Euer. And I Katerine and my heyres þe saide ȝerde|londe, with þe mese and oþer pertinences, to þe forsaide Abbot and chanons, as pure and owr perpetuell almes, agaynste all pepull schalle warantiȝe aquite and Defende. And that this my ȝifte, et cetera.
[190.]
About 1270. Confirma|tion to Oseney, by Robert of Brock, as feudal superior, of no. 189, subject to 5d. quit|rent to his manor.
KNOWE all men that I, Robert fiȝt Robert of Brock, grauntid, and with this present charter confermed, to god and to þe church of Seynte Marie of Oseney and to þe chanons þere seruyng god, j. ȝerde of londe, with A mese, medes, and oþer pertinences, þe which þey have of þe ȝifte of Dame Katerine louelle In litull Tywe: to Be had ande to Be holde, of me and of my heyres, to þe saide chanons for Euer, ȝeldyng þerof ȝerely to me and to my heyres v. d. at cristmasse for all thynges þe which, of þe londe, or for þe londe, maye or schall mowe to Be axid ffor Euer. And I Robert and my heyres þe saide ȝerde of londe, þe which Richard of Sanforde sumtyme helde, with mese, medys, and oþer pertinences, to þe forsaide chanons, agaynste all cristen men and Juys, By þe foresaide seruice, schall warantiȝe aquite and Defende for Euer, et cetera.
[191.]
About 1275. Grant to Oseney, by Robert of Brock, of the quit|rent reserved in 189, 190.
KNOWE ȝe that Be present and to Be þat I, Robert of Brocke, ȝafe, grauntid, and with my present charter con|fermyd, to god and to þe church of seynte marie of Oseney and to þe chanons þere seruyng god, v. d. of ȝerely rent, þe which to me þay were i-woned to ȝelde for þat ȝerde of londe, the which Richard of Sanford sumtyme helde In þe towne of litull Tywe: to be had and to Be holde, to þe saide church and
