of þe Rayne of Kyng John þe xiijo, afore þe Kyng hym-selfe, Symon of pateshull, Jamys of poterne, Henry of pounte alde|mare, Robert of Aumare, Roger Huscarle, Justices, and oþer true men of owre lorde þe Kynge þenne þere present; Bitwene Gilbert of Hide, axer, and clement, Abbot of Oseneye, holder, By Roger, chanon, i-sett in his stede to wynne or to lese: of vj. ȝerdes of londe, and j. mese, with þe pertinences, In litull tywe: whereof hit was i-pletid Bitwene them, In the same Courte: that is to say, þe same aforesaide Gilbert relesid and quite-claymed, of hym-selfe and of his heyres, to þe forsaide Abbot and to his successours & to þe church of seynt Marie of Oseney, all þe Ryȝght and clayme that he had In the forsaide vj. ȝerdes, and the foresaide mese, with þe pertinences, for Euer. And ffurþermore the same Gilberte relesid and quite-claymed, of hym-selfe and of his Eyres, to þe same Abbot and to his suc|cessours, all þe right and clayme þat he had or myȝght haue In viij. ȝerdes [of land], with þe pertinences, the which Robert of Neuile, þe huncle of the same Gilberte, ȝafe to þe church of Saynte marie of Oseney In-to pure and perpetuell almes. And for this relese, and quite-clayme, fyne, and acorde, þe forsaide Abbot ȝafe to þe same Gilberte xcem marke [i.e. 'decem,' retaining the Latin.] of Siluer, et cetera.
[186.]
1217. Decision of a suit be|tween Ose|ney and the rector of Great Tew, by papal commis|sioners, appointed 1216, Aug. 3, about pay|ment of small tithes at Little Tew, from which Oseney claimed exemption, and obtained it, on condi|tion of pay|ing 4s. yearly to Great Tew church.
TO all soones of owr holy modur the Church to þe which this present writyng schall come, Hugh ['H.' incorrectly EXPANed by the trans|lator. Henry Blount, abbot of Gloucester, 1212-24.] , By the grace of god Abbas of glowcetur [In MS. 'writynge shall come' follows, by dittography.] , G. prior of lantone; and M. [Maurice of Arundel, 1210-45.] Archedecun of Glowcetur, Euerlastyng helth In owr lorde. To all ȝowr knowlege we wulle hit come, we the maundement of owr lorde þe pope Honorye the iij. to haue i-take, In-to these wordes:—
Honorye, bisshop, seruaunte of seruauntes of god, to ȝowr [Read 'owr.'] i-loved soones thabbot of Glowcetur & prior of lantone and Arche|decun of glowcetur, of þe Diocise of Wircetur, helth & thaposteles blessyng. Owr Beloued Soones thabbot and Couent of Oseneye have Greuously i-playned to vs that owr worschipfull Broþer þe Bisshop of Couentre and summe prelates of churchis and mony oþer clerkes and lay-men of lincoln and Wircetur Diocise,
