The English register of Oseney abbey / by Oxford, written about 1460. Ed., with an introduction and indexes, by Andrew Clark.

acre, with the pertinences, to þe saide church and chanons schall warantiȝe, aquite, and Defende, agaynste all cristen men And Juys. And that this my ȝifte, et cetera.

About 1270. Grant to Oseney, by John le free, of half-an|acre, and half|an-acre.

HIT is to Be i-knowe that we haue:—To all cristen men to þe which this present writyng schall come John lee ffre of litull Barton helth in owre lorde. Know ȝe all me to haue i-ȝeve, grauntid, and with this present charter confermed, to god and to seynte Marie and to ffrere William Sutton [Abbot 1268-84.] By þe suffryng of god Abbot of Oseneye and to þe chanons of the same place þere seruyng god, j. acre of my arable londe, with all his pertinences, In the ffelde of litull Barton, for the helth of my sowle and of the helth of my aunceturs, of þe which j. dj.|acre lieth of þe Est parte of Sondeway towarde Dunstue By the londe of William Geffray, And a-nother dj.-acre in the same ffelde, that is to say, In Wolkelonde [Wowelonde.] , By the londe of the same William Geffray: to Be had and to Be holde that Acre, with his pertinences, In-to pure and perpetuell almes, for my sowle and þe sowle of my aunceturs for Euer. And [I] John, and my heyres, þe saide acre of londe, with his pertinences, to god and to saynte Mary and to the saide William, Abbot, and to þe saide chanons, schall warantiȝe, defende, & aquite, agaynste all mor|tall men for Euer. And that this my ȝifte, et cetera.

Reference to no. 139(?).

HIT is to Be i-know that we have j. Dwellyng and j. acre of londe in þe towne & ffelde of Saunford of þe ȝifte of Munckes of Colchester as it is opyn By the composicion Bitwene theme and vs, as hit is i-schewed In the title of þe 'grete Barton.'

About 1250? Grant to Oseney, by John (? II) of St. John, of a messu|age, 2 curti|lages, and a dovehouse, subject to 3s. quit|rent to his manor.

KNOWE tho that Be present and to Be that I, John of Seynte John, ȝafe, grauntid, and confermed with this present charter, to god And to þe church of Seynte Marye of Oseney and to þe chanons þere seruyng god, that mese at Sanforde that is nexte to þe church towarde þe sowth, with þe curtilage that