The English register of Oseney abbey / by Oxford, written about 1460. Ed., with an introduction and indexes, by Andrew Clark.

ȝow all we will hit come vs to haue ferme, and to conferme with þe present charter, þe ȝiftes, as þey haue i-be made resonably, to god and to þe church of Seynte marie of Oseney and to þe chanons þere seruyng god, of our i-loued soones [folio 30b] in criste Raph Murdac… and Hugh of Bourton vppon the chapell of Bourton, and of Roger of Seynte John vppon the church of Barton. The which that hit may be had ferme and sure with this present writyng and with our seele we haue i-wylled to be i-strenghthid, et cetera.

1220, Apr. 20. Confirma|tion to Oseney, by Hono|rius III, of no. 134. Anathema against violators.

HONORY, Bisshop, seruaunt of þe seruauntes of god, et cetera. To ryȝghtfull peticions hit is worþi vs to ȝeue lyȝht consentyng and to fille Effectually þe Desires þe which discorde not fro the path of reson: Þerfore, well beloued soones in our lorde, to ȝour ryȝghtfull axinges we willyng with goode assent, þe church of Barton with þe chapell of Sanforde and þere oþer pertinences, þe which our worschipfull Brother Bisshop of lincoln, diocesan of the place, with consent of his chapiter and of þe patrones of þe same church comyng-to ['accedente' agreeing with 'consensu.'] , to ȝow, to ȝour sustenaunce, with goode and wise liberalnesse hath i-grauntid (as in the same Bisshops letters is i-conteyned), to ȝow, and by ȝow to ȝowr church, By the Apostles auctorite, we conferme and make sure with þe help of this writyng. Þerfore of our confirmacion or to goo Agaynste hit schall not be vtturly to noo man lefull or to goo Agaynste hit with frowarde boldenesse; And if oony to attempte presumyth, þe Indignacion of Almyȝghty god & of his Blessed apostles petur and paule knowe he hym-self to haue i-Runne In. The Date, at Viterbe, the xij. kk of May, of his Bisshop-hode þe iiij. ȝere.

About 1220? Grant to Oseney, by John of St. John, of pasture for 6 oxen, 2 cows, 2 bullocks (or steers), 60 sheep, and 20 pigs.

KNOW they that be present and to be that I, John of Seynte John [Died 1230.] , ffor my helth and of my aunceturs, haue i-ȝeve, graunted, and with my present charter [confermed], to god and to þe church of seynte Marye of Oseneye and to þe chanons þere seruyng god, in-to ffree pure and perpetuell Almes, pasture ['Nota' in margin.] in my Demayne to vj. oxen and ij. kyne and to two bestes ['averia.'] where