ȝifte of Roger of Seynte John, and þe graunte of Hugh and Robert Bysshops of lincoln and of the chapiter of þe same, and confirmacion of Guale cardinalle and legate, with þe confirmacion of pope Honorye the thirdde.
[128.]
IN [Nos. 128-34 are marked in the MS. with a line drawn right down the leaf; and several of them have 'Nota' or other marginal mark.] the Baylyfwyke of Barton ben conteyned þese: þat is to say, Grete Barton or þe more Barton, Barton odonis, Westcote Barton, Saunforde, ledewell, Groue, Rowlesham, Heyforde, litull Tywe, þe more Tywe, and Dunstywe.
[129.]
About 1190? Grant to Oseney, by Roger (I) of St. John, of the rectory of Great Bar|ton (see in no. 37).
TO all þe soonys of holy church to þe which þis present writyng shall come Roger i. of Seynte John helth in our lorde. Knowe ȝe all [me], with assent and consent of William my Broþer, to haue i-ȝefe and to haue i-graunted, and with this present charter haue i-confermed, to þabbot and chanons of þe church of Seynte marie of Oseneye, for my helth and of myne and for þe Sowles of my aunceturs, þe church of Barton, in-to ffree and pure almes, with his pertinences, in tithis, in londes, in men, in howses, in medys and pastures, in weyes and pathis, and in all oþer thynges and fredoms and free customs the which þe forsaide church euer had in tyme of oony of my aunceturs whenne þeye had þeme best ['melius et plenius.'] and fulliest. And this my ȝifte, that hit þe moor surer and stedfaster here-after may be, I maade hit in þe presente [By a slip for 'presence.'] of lorde John of Constances, Archedecun, and of all þe chapiter at Oxenforde. These witnysses, et cetera.
[130.]
About 1215. Confirma|tion to Oseney, by John (I) of St. John, of his father's gift as in no. 129.
TO all cristen men to the which this present writyng schall come John of saynte John helth in our lorde. Knowe ȝe all me, for my helth and of myne, to haue i-grauntid, and with this present charter to haue i-confermed, to god and to the church of saynte marie of Oseneye and to the chanons there seruyng god, the ȝifte the which Roger of Seynte John my fadur made to the same church and chanons vppon the church of Barton: to be had and to be hold to the same, in-to pure free and perpetuell almes, with all his pertinences, In tithis, In
